۱۳۹۱/۸/۲۶
16:52
زيارة:2171
المقالات
شعرالحسینی
اشعار فی رثاء شهادة اباعبدالله الحسین(ع)واصحابه الصالحین |
|
|
 |
سحر شوقک يبو الأکبر يسايرني بخلايا الدم
جسد وأتمثله کوکب أصد لجروحک أتوهم
أشوفن کل جرح منک ثغر للدنيا يتبسم
عجيبة تنذبح ظامي يلن کل عين إلک زمزم
والأعجب تنزف جروحک وأنت لکل جرح بلسم
دنيانا المشغوفة بحبک بيک تغنت يا حسين
مو بس العابس جنيته کلها انجنت يا حسين
کلها تلهج غدت باسمک .. دمي مو أغلى دمک
کل قطرة دم بشرياني تهتف باسمک يا حسين
روحي شلون تظل بجسمي من أذکر جسمک يا حسين
جسمي مو أغلى من جسمک .. دمي مو أغلى من دمک
لون عابس وقف بالطف يصيح الشوق جنني
ملايين أصبحت مثله لونّک عنها تسألني
عشاقى وکل فرد منهم غدا بعابس يذکرني
وکل من أنشده يجاوب يقول حسين هيمني
وأنا بعالم لهيب الطف سيوف الهم يباريني
عجيبة يوذرن جسمک ولا مثلک يوذرني
شبهت جروحک بعيوني والدم يجري يا حسين
والحافر ما هشم صدرک هشم صدري يا حسين
وآنا ريت أنصرع يمک .. دمي مو أغلى من دمک
کل قطرة دم بشرياني تهتف باسمک يا حسين
روحي شلون تظل بجسمي من أذکر جسمک يا حسين
جسمي مو أغلى من جسمک .. دمي مو أغلى من دمک
حليف الهم کلف يقدر ودليله بصبره يتورع
على مصابک يبو اليمة وراعة قلبي ما تنفع
تريد أصبر بعد شصبر وأشوفک دامي بالمصرع
اشتظن جفن المحب يغفى وحبيبه على الثرى مقطع
يبو الأکبر لون يذبل نخبره بحالک ويسمع
يفتت کل صخر غيظه ويجود عليک بالمدمع
لو يسمع بمصابک يذبل جان تفطر يا حسين
واشلون آنا العاشق وأصبر بيش أتصبر يا حسين
وآنا همي بکثر همک .. دمي مو أغلى من دمک
کل قطرة دم بشرياني تهتف باسمک يا حسين
روحي شلون تظل بجسمي من أذکر جسمک يا حسين
جسمي مو أغلى من جسمک .. دمي مو أغلى من دمک
الحديد تلين لداوود عجيبة عليک يتصلب
ويصير سيوف ويقطع جسد فوق الثرى مخضب
الشمس لو مر عليها الغيم بثياب الخجل تتحجب
اشعجب ما غابت وجسمک تشوفه بکربلا مترب
عجيبة الماي يظل يجري ولا عن خجل يتنضب
ويشوفک ظامي وبکتره دليلک بالعطش يلهب
بهذا الماي اشلون أتهنى وقلبک ظامي يا حسين
اشلون تنام الليلة عيوني وجسمک دامي يا حسين
بروحي وبدمي أخدمک .. دمي مو أغلى من دمک
کل قطرة دم بشرياني تهتف باسمک يا حسين
روحي شلون تظل بجسمي من أذکر جسمک يا حسين
جسمي مو أغلى من جسمک .. دمي مو أغلى من دمک
لون خيم علي ليلي بسواد العاشر أتذکر
صور عن ليلة العاشر أعيش وياها وأتحسر
أعانق لجمة جروحي بفضاوة قلبي وأتصبر
ولا صحوة سما بعيني تريضني يبو الأکبر
سوادة ليلي ترسم لي وداعک ويه هالخدر
وأشد على الحزن حيلي لون خيط أسفر
کل مصباح أتذکر يومک يوم العاشر يا حسين
بس موجات المدمع ترحم قلب الشاجر يا حسين
دمعي دم يجري ويکلمک .. دمي مو أغلى من دمک
کل قطرة دم بشرياني تهتف باسمک يا حسين
روحي شلون تظل بجسمي من أذکر جسمک يا حسين
جسمي مو أغلى من جسمک .. دمي مو أغلى من دمک
صرت کل ما أصد للنار أذکر جمرة خيامک
لون أسمع طفل يبجي أنوحن وأذکر أيتامک
إذا مني عضو تألم أهيم بسجة آلامک
إذا يومي يخالفني أون لمخالف أيامک
أنا وکل أهلي وأصحابي نذر لتراب أجدامک
يا غالي وأغلى من عمري رخيصة عيوني جدامک
روحي وجسمي وکل ما أملک باسمک صاحن يا حسين
کل ذرات العالم مثلي لجلک ناحن يا حسين
دمي لو تطلب أسلک .. دمي مو أغلى من دمک
کل قطرة دم بشرياني تهتف باسمک يا حسين
روحي شلون تظل بجسمي من أذکر جسمک يا حسين
جسمي مو أغلى من جسمک .. دمي مو أغلى من دمک
مأجورين
انتهای پیام |
|
|